uppáfinningasamur

Aldrei heyrt þetta orð áður, hinsvegar þekki ég orðið UPPÁTEKTARSAMUR sem þýðir að einhver sé duglegur að taka upp á ýmsum hlutum, oft í stríðni eða óþekkt.

Sjóðnum vantar...

Hér er ekki við mbl.is að sakast. Sorglegt að sjá yfirlýsingu frá háskólanemum sem er ekki nógu vel prófarkarlesin, en þó undirrituð af öllu þessu fólki. Líklega leggur þetta fólk ekki stund á íslensku, bókmenntafræði eða slík fög.

Þar fyrir utan: María Fedorovna var rétt beygt, sem er gott. Fréttin illa þýdd og illlæsileg að öðru leiti.

Þessi frétt er síðan í febrúar. Fyrir utan að vera hálf ómerkileg.

 Geta heimilda, MBL.

 Everett ekki við eina fjölina feldur

 Feldur? Stofninn er: (að) fella - tvö L, í öllum myndum orðsins.

Ég er furðu lostinn yfir gagnkynhneigðum samböndum mínum en ég er það reyndar satt að segja yfir öllum samböndum mínum

Getur maður verið furðu lostinn yfir eigin gerðum? Ég veit ekki, mér þykir þetta undarlegt orðalag, eða þýðing öllu heldur.

Veður skipuðust svo hratt í lofti

Hef bara aldrei heyrt talað um veður í fleirtölu, en get þó ekki aftekið að slíkt sé til.
Auk þess er vaninn að segja "Skjótt skipast veður í lofti" en ekki "Hratt skipast..."

Velti fyrir mér hvernig enska setningin hljómaði...

Vona að lögreglumennirnir hafi ekki orðið mjög hræddir.

Flest það sem Browzar státar ekki af eru hlutir sem ætlaðir eru til að hjálpa notendum, vafrinn notast t.d. ekki við skyndiminni, kökur og heldur enga skrá yfir síður sem sóttar hafa verið.

Svo er þessi málsgrein einfaldlega kolröng:

Ástæðan er sú að þótt þessir eiginleikar gera öðrum kleift að sjá síðar hvaða vefir hafa verið heimsóttir, þótt þeir flýti fyrir notendum í daglegri vinnu.

Bifreið var ekið í veg fyrir ökumann bifhjóls á Hlíðarbraut við Baldursnes á Akureyri á þriðja tímanum í dag.

Bara ökumann bifhjólsins eða bifhjólið sjálft? Skringilega orðað.

Annar árekstur tveggja bíla varð á Akureyri fyrir skömmu, á mótum Helga Magra Strætis og Hamarstígs en hann er ekki talinn vera alvarlegur.

Annar árekstur, já. En ekki tveggja bíla, því sá fyrri var árekstur ökumanns bifhjóls og bifreiðar ef fréttin er lesin bókstaflega. En látum það liggja milli hluta.

Viðurnefni á að rita með lágstöfum ef þau koma á eftir skírnarnafni, sbr. Helgi magri og Þórunn hyrna, en Fjalla-Eyvindur. Þar fyrir utan er Helgamagrastræti eitt orð, svo hér eru villur í villunni.

Ansi mörg rauð strik í ekki lengri frétt.

Og hver er það annars sem ekki telur áreksturinn alvarlegan? 

Loftur Jóhannsson, formaður Félags íslenskra flugumferðarstjóra, segist standa við þau orð að slæmu skipulagi hafi verið um að kenna þegar Loftur taldi að þarna hefði verið um að kenna slæmu skipulagi, þegar truflanir urðu á flugi á Keflavíkurflugvelli í gærmorgun.

En ekki batnar það. Ætli 'fréttamaðurinn' hafi skilið tilkynninguna? 

Í tilkynningu frá Flugmálastjórn í dag sagði að af fjórum flugumferðarstjórum, sem áttu vakt kl. 7 í gærmorgun hafi þrír boðað veikindi. Alls hafi fjórir af fjórtán flugumferðarstjórum verið veikir þennan dag og ekki hafi tekist að manna vaktir þeirra þó hringt hafi verið í 19 flugumferðarstjóra. 

Loftur segir, að í vaktaskrá, sem gefið var út fyrir nokkrum vikum, hafi fjórir flugumferðarstjórar átt að vera á vakt klukkan 7 í gærmorgun.

Þrjár setningar, tvær segja að fjórir áttu að mæta klukkan sjö, hin segir fyrst að flugumferðarstjórarnir hafi verið fjórtán, síðan 19.

Hverjum gagnast óskiljanlegar fréttir?